Um Connetix barnaleikföng

Connetix segulkubbarnir komu fyrst á markað í júlí árið 2019. Fyrirtækið var stofnað af tveimur áströlskum fjölskyldum sem höfðu tekið eftir því hversu vinsælir segulkubbar voru meðal barnanna þeirra í grunnskólanum. Börnin voru ekki bara að leika sér, þau voru líka að læra í gegnum leik. Þessar tvær fjölskyldur ákváðu að hanna sína eigin segulkubba undir merkinu Connetix með sterkari seglum, plasti sem rispast ekki eins auðveldlega og tærari flötum.

Fólkið á bakvið Connetix segulkubbana eru Brea og Dave. Brea er þriggja barna móðir, grunnskólakennari og með MA-gráðu í Early Childhood Education.
Dave sér um viðskiptahlið fyrirtækisins og starfaði sem vélaverkfræðingur áður en þau stofnuðu Connetix. Dave er tveggja barna faðir og hikar ekki við að taka Connetix með á veitingarhús til að stytta börnunum sínum stundir á meðan beðið er eftir matnum.

Connetix segulkubbarnir eru barnaleikföng sem fullorðnir elska. Segulkubbarnir gefa börnum tækifæri til þess að búa til hvað sem er, hvenær sem er, hvort sem í tvívídd eða þrívídd. Ímyndunarafl barnanna ræður för og oftar en ekki tekst þeim að virkja ímyndunarafl foreldra sinna eða forráðamanna.

Connetix segulkubbarnir falla undir þroskaleikföng enda efla þeir vitsmunaþroska, rýmisgreind, samhæfingu, gróf- og fínhreyfingar og hjálpa börnum að kynnast vísinda- og stærðfræðilegum hugtökum, allt í gegnum leik.

Ef það er ekki nóg, þá gefa Connetix segulkubbarnir greiða leið fyrir börn að leika ein eða með öðrum (vinum, foreldrum, fjölskyldu) og aðstoðar þannig börn í að þekkja mikilvægi samvinnu, þrautseigju og sveigjanleika.

Byggjum stóra kastala og turna, byggjum ný heimili fyrir uppáhalds leikföngin okkar eða búum til munstur og form í þrívídd.

Með Connetix verða samverustundirnar á heimilinu ennþá skemmtilegri!

Virka Connetix með öðrum tegundum af segulkubbum?

Connetix segulkubbarnir virka með öllum öðrum tegundum af segulkubbum. Það ber samt að hafa í huga að seglarnir í Connetix eru sterkari svo aðrar tegundir af segulkubbum eru ólíklegri til að haldast jafn vel saman.

Hvenær er hægt að koma og sækja til ykkar?

Við erum ekki með fasta opnunartíma en reynum að koma til móts við viðskiptavini okkar og afhenda þeim vöruna á þeim tíma sem hentar best.

Eru Connetix í sömu stærðarhlutföllum og aðrir segulkubbar?

Connetix segulkubbarnir eru í sömu stærð og aðrar leiðandi segulkubba tegundir en þar sem seglarnir eru stærri og sterkari eru Connetix segulkubbar örlítið þykkari en aðrar tegundir. Það munar í kringum 0,3-0,5mm.

Hver er helsti munurinn á Connetix og öðrum segulkubba tegundum?

Seglarnir í Connetix segulkubbum eru stærri og sterkari en í öðrum tegundum af segulkubbum. Í Skapandi pakkanum hjá Connetix eru 100 segulkubbar, einn poki undir kubbana og hugmyndabæklingur. Sem dæmi er einn samkeppnisaðili Connetix að bjóða upp á 100 stykkja pakka sem inniheldur samt sem áður aðeins 82 segla.

Connetix segulkubbarnir eru ekki alveg flatir og eru því með betra gripi fyrir litlar hendur auk þess að rispast síður. Þessi einstaka hönnun gerir það svo að verkum að Connetix “brjóta ljós” betur en aðrir sambærilegir segulkubbar og gera leik að ljós og skuggum ennþá skemmtilegri.

Er hægt að skoða kubbana einhverstaðar?

Við hjá Sólargeislum erum ekki með verslun, en tökum glöð á móti áhugasömum sé þess óskað. Connetix segulkubbarnir eru líka til í tveimur verslunum á höfuðborgarsvæðinu, Nine Kids í Fellsmúla og Hreiður í Auðbrekku.

Hvernig má þrífa Connetix segulkubbana?

Við mælum með að nota rakan klút án allra efna til þess að þurrka af seglunum. Við mælum sterklega gegn því að setja segulkubbana ofan í vatn þar sem seglarnir geta ryðgað.

Fyrir hvaða aldur eru Connetix segulkubbar?

Connetix segulkubbarnir eru merktir fyrir þriggja ára og eldri. Það er þó aldrei of snemmt að byrja að safna!

Eru einhverjir afslættir í boði fyrir leikskóla/foreldrafélög/frístundaheimili?

Endilega sendið okkur póst á info@solargeislar.is og við gerum ykkur tilboð.